唔係今次帶住老豆去旅行，我都唔知老豆原來：
1）佢係天生嘅model，喺零指示下，佢企親啲位同埋不經意嘅pose都好perfect池；
2）佢係天生嘅食家，叫親啲咩嘢食，肯定係性價比最高 / 最好味嗰個，暫時一次都冇失手，我同細妹決定之後食嘢點都跟佢隊；
3）佢真係好鍾意飲港式奶茶，去到邊都要問有冇奶茶飲，但好彩佢都肯以咖啡代奶茶；
4）佢真係好想去唐人街，佢直頭係由地鐵站一出去，係見到亞洲人樣就即用廣東話問人呢度是咪唐人街，明明人地唔係北方人就係韓仔sosad
5）佢對影相係零興趣。話說我係咁遊說老豆換電話（冇錯，老豆仲用緊擋到子彈嘅nokia，打死都唔肯換智能手機），其中同佢講智能手機有得隨時隨地影相，佢聽完後嘅表情就係咁 
。
繼續帶住老豆去旅行之倫敦篇（唔好意思寫長咗）
1）好臨時決定嚟倫敦，之前完全冇計劃過，連英鎊都冇事先兌換。
2）終於帶到老豆去唐人街（笑），但佢去到唔係飲港式奶茶，而係去咗酒樓飲個茶食個包。
3）去Burger and Lobster食龍蝦，好難得，平時唔係好開口讚人 / 事嘅佢會讚不絕口，係咁話好抵食，好好味，下次要同姑媽叔叔娘親細妹嚟食。
4）佢對倫敦嘅印象分遠超巴黎羅馬，係咁話要下次再嚟。（除咗唔想再坐eurostar，後面有解釋）
5）佢口說冇懷念香港殖民時期，但佢啲反應就好誠實，全程就係聽佢講當年香港乜乜乜，啲建築點點點，啲街道咁咁咁。
6）第一次坐eurostar，架車真係好撚快。
7）平時唔shopping嘅佢居然又破戒，敗咗喺Primark手上。
8）繼續發揮天生嘅model嘅本色。
PS：原定計劃今日坐eurostar返巴黎再返香港，但遇上eurostar故障，cancel晒今日所有列車，趕唔切去巴黎坐飛機走，唯有stay behind倫敦玩多兩日先走，順便買埋對NMD。
只能話低過3%嘅嘢都畀我地遇到，除咗恭喜都唔知講咩好。返嚟要買一買六合彩先 
初稿發表於 2016 年 Facebook，2026 年重新整理刊載。
