1. 好唔真實，仲係好唔真實，好似發夢咁。
2. 本來預自己會發台瘟會食螺絲（符合易緊張人設），點知出．奇．地．冇。
3. 明明平時唔會有人認得，冇諗過自己入到去書展攤位10分鐘都冇，已經有幾個人主動搵自己簽名（沾沾中）。
4. 冇諗過會坐咗半個場，比預期中多人，感動。
5. 更冇諗過簽書時間嘅人流仲多過講座。
6. 當然表現可以再進步再做得好啲，話就話公開試口試拎A但都成十幾年冇對住咁多人講嘢。但係以第一次喺公眾場合同咁多人講嘢嚟講，我自問盡咗力，算係咁啦。
7. 見到自己嘅書同埋名喺書展出現，先真真正正覺得：我真係完成咗本書，出咗書了。
8. 可能男朋友輔導得好，尋日真係好享受好開心，無論係講座定簽名定同街坊交流。
9. 真心好感動，冇諗過真係會有人支持鍾意自己寫嘅嘢同做緊嘅事。
10. 見到家姐同好朋友特登買書撐場，嗰吓覺得好sweet好warm。
11. 簽書時完全冇諗到連日本讀者都特登嚟支持自己，好意外但超級驚喜。
12. 今年除咗我呢本，仲有幾本都有講香港公屋，都好好睇好精彩，但衛翠芷本《香港公屋設計變奏曲》真係聖經級數嚟，好堅，J出血了。
13. 冇諗過喺書展撞得返咁多熟人朋友舊同事，開心仔。
好啦，寫住咁多先，要回一回氣，聽日簽書會都要加油要盡情享受，好好記住呢份感覺。
初稿發表於 2024 年 Instagram，2026 年重新整理刊載。
